සුරංගනා කතාව 09- පලමු කොටස

මාලු බාන්නගේ කතාව

සෑ.යු - මෙහි මධ්‍යසාර අඩංගු දර්ශන ඇති බැවින් ඒ බව ඔබේ හය හතර නොදත් දරුවාට කියා දෙන්න.
----------------------------------------------------------------------------------------------

ඔන්න දුවේ පුතේ එකෝමත් එක රටක හිටියලු වෑන් හෙල්සින් කියලා මාලුබාන්නෙක්.මෙයාගේ රස්සාව තමයිලු සුදු නිසන්සල අසෙනිය විලේ මාලු බාන එක.රෑට මාලුබාන්න ගියාම උදේටලු එන්නේ. ඉතින් ඒ එනකොට මෙයාගේ භාර්යාව වෙච්චි පබා නංගී කෑම එහෙම හදලා කඩුල්ලට වෙලා මග බලන් ඉන්නවලු වෑන් හෙල්සින් මාලු ගොඩාක් අල්ලන් එනකම්.සාරවත් මාලු අස්වැන්නල් ලැබුණාම දෙන්න දෙමහල්ලෝ අහල පහල අයටත් බෙදල දෙන එක පුරුද්දක් උනාලු.

මේ වෑන් හෙස්ලින්ගේ හොඳම යාලුවා තමයිලු කිඹුල් ධර්මේ කියලා කියන්නේ. නිතර වයින් බිව්වත් හිත හොඳකෙනෙක්ලු. පුන්චි දරුවන්ට එහෙම හරි ආදරෙයිලු. මෝඩ කෙල්ල එහෙම ඉස්කොලේ ඇරිලා යනකොට ලෑතර එකක්, සීනි කූරක් පකඩ කෑල්ලක් එහෙම අරන් දෙනවලු.

ඉතින් මේ යාලුවෝ දෙන්නා දුප්පත්ලු.ඒ නිසා ටිකක් කණස්සල්ලෙන්ලු හිටියේ.ඉතින් මේකට පිලියමක් විදිහට දෙන්නම වස්තුව හොයන් එන්න යන්න කතිකා කරගෙන අඹුවන්ටත් කියලා අවසර අරගෙන දුරු රටකට යන්න පිටත් උනාලු.

මේ යන ගමනෙදි මෙයාලට යකා මාස්ටර් කියන මන්තර කාරයෙක් හම්බුනාලු.මෙයා කිවවලු ඈත කැලේකේ නිධානයක් තියෙනවා.ඒත් ඒක බලාගන්නේ තින්යාඕ කියලා යක්ෂණියක්. එයාට අඳුරු ලොවේ මැද කුටියේ තියෙන ඇපල් ගහෙන් රන් ඇපල් ගෙඩියක් ගෙනත් දුන්නාම නිධානේ ගන්න පුලුවන් කීවලු.

අඳුරු ලොවට අධිපති මාරයාලු. අඳුරු ලොවට අනවසරෙන් එන කවුරු උනත් ගල් රූප බවට පත් කරන එකලු මෙයාගේ රාජකාරිය.මේ බව යකා මාස්ටර් මන්තරකරුවා දන්නවලු.ඒ නිසා එයාගේ තව යාලුවෙක් උනු රැඩිකස් ෂෙඩ් මායාකරැ හම්බෙලා මායා දියරයක් ලබා ගත්තලු ගල් රූප වෙන එකෙන් වැලකෙන්න. ඔන්න ඉතින් තුන් දෙනාම අඳුරු ලොවට ආවලු.

Posted in ලියපු කතා