සුරංගනා කතාව 08 - දෙවන කොටස

සෑම් ෆිෂර් යාචකයාගේ කතාව

ඔන්න ඉතින් මේ සෑම් යාචකයා නිදාගෙන ඉන්නකොට අගනුරව කුමාරිකාවගේ භාණ්ඩාගාරය බිදින්න ගිය කිඹුල් ධර්මේ යි ඩප්පි දර්මෙ කියන සහෝදර සොර නායකයෝ දෙන්නා පැහැර ගත්ත වස්තුවත් අරගෙන මෙතනින් යනකොට මේ සෑම් ලඟත් රන් මාලයක් වැටුනලු. ඒත් මේ බව නොදත් සෑම් වයින් බීලා තද නින්දෙලු හිටියේ.

අගනුවර පුරා වීදි සරන රාජ පුරුෂයන්ට පෙනුනලු නිදාගෙන ඉන්න සෑම් යාචකයා ගාව තියෙන රන් මාලය.වහාම අත් අඩංගුවට ගත්ත සෑම් ව Lankeeshvara කියන අගනුවර ප්‍රදානියා ගාවට ගෙන්නුවලු. එයා තීරණය කලාලු සෑම්ගේ හිස ගසා දමන්න.ඊට පස්සේ එයාව සිර ගෙදර ප්‍රදානියා වුනු මුෂ්මික ට භාර කලාලු. මේ තීරණය අහලා බොහොම කම්පාවට පත් වෙච්ච සෑම් අඬන්න ගත්තලු.

අගනුවර රජ මාලිගාව කොල්ලකෑවේ සෑම් කියලා මුලු නුවරම ප්‍රසිද්ධ කරලා සෑම් ව පසුදින හිස ගසා දමන්නලු Lankeeshvara ප්‍රධානියාගේ තීරණය උනේ. මේක අහපු අහිංසක සමනලීත් බොහොම කණගාටුවට පත් වෙලා සෑම් ව බලන්න ආවලු.

ඔන්න් ඉතින් එදා රෑ අඬ අඬ ඉන්න සෑම්ට මතක් උනාලු නිදි කුල දෙවඟන දීපු මුතු ඇට තුන. මේ මුතු ඇට වල ඉන්නේ පහනට ආආ යකා ගේ අවතාරයක්ලු. ඉතින් මුතු ඇටේ උඩ දාපු ගමන්ම මේ එක අවතාරයක් ඇවිත් සෑම් ව සිර මැදිරියෙන් අතුරු දහන් කරලා ඈත ආරක්ෂිත පලාතකට ගිහින් දැම්මලු.

බොහොම සතුටු වුන මේ සෑම් යාචකයා වෙහෙස නිසාම රූස්ස අරලියා ගහක් හෙවනේ නිදාගත්තලු. එතනින් ගමනක් යන්න ආවලු එමෝ බෝයි ගම්පතියා. නිදාගෙන ඉන්න මේ යාචකයා දැකලා අනුකම්පා කල මේ ගම්පතියා තමන් අතේ තිබ්බ ආහාර බඳුන යාචකයා ගාවින් තියලා ගියාලු. අවදි උන යාචක සෑම් ඔහුටත් තමන්ට මුතු දීපු දෙවඟනටත් ස්තූති කරලා කුසගින්න නිවාගත්තලු.

ඔන්න මේ සෑම් යාචකයා පහුවදාට එලි උනාට පස්සේ මේ නොදන්න පලාත ගැන පොඩ්ඩක් විපරම් කරලා බැලුවලු. ඒක Hong Soo අධිරාජ්‍යාගේ රාජධානියලු.තමන්ගේ අතේ කාසියක් වත් නැතිනිසා සෑම් යාචකයා කල්පනා කලාලු බටනලාව වයලා කීයක් හරි හොයාගන්න.

ඔය අතරේ නගරෙට ආව අමා කෙල්ල මෙයාගේ බට නලා වාදනය අහලා පැහැදිලා සෑම් ව ගෙදර එක්ක ගිහින් කෑම සහ කාසි ලබා දුන්නලු. බොහොම සතුටට පත් වෙච්චි මේ සෑම් ඊයේ රාත්‍රිය ගත කරපු අරලිය ගහ යටටම ආවලු.

ඔය අතරේ මේ හොන් සූ අධිරාජ්‍යට චර පුරුෂයෝ ඇතුල්වෙලා යාචක වෙස් ගෙන ඉන්නවා කියලා ආරංචි උනාලු.ඒ නිසා සියලුම යාචකයන් අල්ලලා ගන්න කියලා මේ Hong Soo අධිරාජ්‍යයා සෙන්පති රස්තා මෑන් ට නියෝගයක් නිකුත් කලාලු.
******************************

ටු බී කන්ටිනියුඩ්

--------------------------------------------------------------------------------------
දෙවන කොටස අවසානයි.

 

Posted in ලියපු කතා