සුරංගනා කතාව 03 -දෙවන කොටස

නම වෙනස් කල රජකුමරුට පෙම් බැඳි ගමේ කෙල්ල සඳගලතැන්න කුමාරිහාමි

ඔන්න ඉතින් සඳගලතැන්න කුමාරිහාමි ගාවට අස්සයා පිටින් බැහැලා ආව මේ නම වෙනස් කල රාජකුමාරයා පැන් කලේ අතේ තුයන් හිටිය එයාගෙන් වතුර ටිකක් ඉල්ලුවලු. මොහොතක් තුෂ්ණිම්භූත උනු කුමාරිහාමි කලෙන් වතුර දුන්නලු. මේක දැකපු ගුරු ගෙදරට යන්න ආව #නිදි_කුම්බි කුමාරිට යි #නයිල්_කුමාරිටයි හරි කේන්තියිලු. ඇයි ඉතින් එයාලගේ අතේ තිබ්බ ලබු කැටවලින් මේ කුමාරයා වතුර ඉල්ලුවේ නෑනේ.කේන්ති ගිය නිදිකුම්බිගෙ කකුල ලෙවකන්න ආව #පිස්සු_පූසා ටත් පයින් ගැහුවලු ඈතට විසිවෙන්න. මේ දෙන්නා දිහා බලලා සරදම් හිනාවක් දාපු #ඩයනා_කුමරිය යි #කේටි_කුමරිය යි ඊලඟට ආව අස්ස කරත්තේ නැගලා ගුරු ගෙදරට ගියාලු.

ඔහොම ඉතින් හැමදාම වගේ රාජකුමාරයා මේ සඳගලතැන්නෙ කුමාරිහාමිට සරදමක් එහෙම කරලා යන්න ගියාලු. ඉතින් මෙයත් හිතුවලු රාජකුමාරයා මට ප්‍රිය නිසායි මෙහෙම කොලොප්පන් කරන්නේ කියලා.එහෙම හිතලා මෙයත් හැමදාම උදේම වතුර ගේන්න වෙනදාටත් වැඩිය හැඩ වැඩ වෙලා ආවලු. ඔහොම ටික දවසක් ගෙවුනලු. දවසක් හවස් යාමේ සඳගලතැන්නේ කුමාරිහාමි ගං තෙරට ගියාලු. එදා එයා දැක්කලු කේටි ක්මරියව අස්සයා පිටින් තියාගෙන යන රාජ කුමාරයාව. මෙයාට හරියට දුක හිතුනලු.


ගග අද්දර තිබ්බ කුඹුක් ගහ යටට වෙලා මෙයා හිතේ දුක කිය කිය ඇඬුවලු.මෙයාගේ කඳුලු කුඹුක් මුල් දිගේ ලිස්සලා ගිහින් ගඟටත් එකතු උනාලු. එයා හිතාගත්තලු නැවත් කිසි දවසක වතුර ගේන්න උදෑසන නොයන්නත් රාජ කුමාරයාව මුණ නොගැසෙන්නත්. ඔහොම ටික දවසක් ගියාලු. නයිල් කුමරියටයි නිදි කුම්බි කුමරියටයි හරි සතුටුලු මේ කෙල්ල එන්නෙ නැති එකට. දවසක් උදෑසන රජ කුමාරයා මාලිගාවෙන් පිට වෙන දර්ශණය අහසින් ගිය #වාචාල_පිකාසෝ කියන පිශාචයා දැක්කලු.

ටු බී කන්ටිනියුඩ්ලු..........
--------------------
දෙවනි කොටස අවසන්ලු. තෙවනි කොටසත් අරන් එන්නම්ලු.පුරුද්දට කතා ලියනවා මිසක් මේ දවස්වල හිතේ සතුටක් නම් නෑලු.ඒ නිසා අඩුපාඩු ගනන් ගන්න එපාලු

 

Posted in ලියපු කතා