' මම ගිහින් උයන්නම් අද ඔයාට සල්ලි ගොඩක් වියදම් උනානේ'
'මහන්සියිනේ අපි කාලා යන්'
'නෑ මට පුලුවන්'
'පණ්ඩිත නොවී ඉන්න. කාලා යමු'
'ම්ම් බෑ හරි මහන්සියි. වොශ් එකක් දාගෙන කන්න ඕනේ. අරන් යමුද' ඈ මගේ සුරතේ එල්ලෙයි
'හා. අන්න එහෙම කට ඇරලා හිතේ තියෙන එක කියන්ඩකො. ගිලගෙන ඉන්නේ' මම ඇගේ නහය මිරිකුවෙමි.
'ඌයි සිදෙනවා' ඈ මගේ අතින් ඇද්දාය
'මොනවද කන්නේ' මම ඇසුවෙමි
'කොත්තු' ඈ දෑස අඩවන් කරමින් කීවාය
'කොත්තු කාලා තොත්තු දෙන්නම්' මා ඈ ලං කර ගත්තෙමි
'දැන් නෙවේ කාලා' ඈ වටපිට බලමින් පිලිවදන් දුන්නාය.
*************************
නිවසට එන විට රෑ බෝවී තිබිණ.
ඈ දොර හැරියාය.
'මෙතන ඉදන් යන්න බෑ මගෙ කකුල් සිදෙනෝ' ඈ මගේ දෑතට බර වූවාය
'ඈ මෙච්චර වෙලා හොදට ආවේ'
'ඇයි මට පොරොන්දුවක් උනේ අමතකද' ඇගෙන් ප්රශ්නයකි
'මොකක්ද'
'මාව වඩාගෙන එක්කන් යනවා කිවේ'
' ම්ම්ම්ම්ම්ම්ම්ම් ඕක ඔච්චර වෙලා හිතේ තියෙන් ආවද'
'නැත්තන්'
'ඔය අතේ තියෙන බෑග් ටික මේසෙන් තියන්න' එසේ කියා මා දොර වසා දැමුවෙමි
'පොඩි එකාගේ ආසාවනේ' ඈ මගේ කරේ එල්ලිමෙන් කීවාය
**************************
මා සෙමින් ඈ ඇදෙන් තැබුවෙමි.
'තෑන්ක් යූ සෝ මච්' ඈ මගේ නලලත සිප ගනිමින් කීවාය
කිසිවක් නොකියා නිහඬව මා ඈ දෙස බල හුනිමි.
'අද දවස හුගාක් සතුටුයි සුදු මහත්තයෝ. ඔයාට ගොඩාක් පින් අද මගේ බර්ත්ඩේ එක දවස ගොඩාක් සතුටින් ගෙවුනා.' ඈ මගේ දෑතම සෙනෙහසින් සිපගත්තාය.
'ඔයා මගෙ සුදු මැනිකනේ, ඒකනේ මම එක්කන් ගියේ' ඇගේ හිස අතගෑවෙමි.
නිහඬවම විනාඩි කිහිපයක් ගෙවී ගියේය.
'මහන්සියි කීවා නේද. යමු නාගෙන එමු' මම යෝජනා කලෙමි
'ම්ම්ම්ම්ම් යන්.' ඈ නැගී සිටියාය.
**************************
තවත් සුන්දර උදෑසනක් එලඹ තිබේ. මා අවදි වන විට ඈ නැගිට උයමින් උන්නාය.
'ඔයා නැගිට්ටද මම කතා කලේ නෑ පව් හිතුනා' ඈ සිනාසෙමින් මදෙස බලා කීවාය
'ඔයා වැඩට යනවද' මම ඇගෙන් ඇසුවෙමි
'හ්ම්ම්ම්ම්ම්ම් යන්නම එපැයි අද බදාදනේ' ඈ සුසුමක් හෙලුවාය.
'මේ මාසේ වැඩ කරලා අයින් වෙන්න. අද ගියාම මැඩම්ට කියන්න' මම ඈට කීවෙමි.
ඈ මදෙස බලා මදහසක් හෙලුවාය.
'ඉන්න මම තේ එකක් හදන්නම්'
'ඔයාට උයන්න පරක්කු වෙනවනේ. කමක් නෑ මම හදාගන්නම්'
'පරක්කු නෑ කොල්ලො. මම හදලා දෙන්නම්. දවස් කීයකින්ද ගෙදර එන්නේ. මගෙ මහත්තයට සලකන්න එපැයි' ඈ මගේ ඇගේ දැවටෙන්නීය.
*************************
මා ඇග සෝදා කාමරයට එනවිට ඈ සාරිය අදිමින් උන්නාය. රෝස වර්ණ සාරිය ඈට කදිමට ගැලපිණ. මොහොතක් ඈ දෙස බලා සිටි මා,
'හරි ලස්සනයි ඔයාට මේක' මම ඈට ලංවෙමින් ඇගේ දෙවුරෙන් අල්ලා කීවෙමි.
'ම්ම්ම්ම් ලස්සන කෙල්ලක් ඇන්දම ලස්සනයි තමා' උතුරා ය ප්රීතියෙන් සිනාසෙන්නීය.
'ලස්සන කෙල්ල හන්දනේ අයිති කරගත්තේ. ඉක්මනට ඇදගන්න ඉතින්. පරක්කු වෙනවනේ. ලෑස්ති වෙන්න. මම ගිහින් දාන්නම්'
'වාව් නියමයිනේ ‘
'ඔයා කාලද ඉන්නේ?' මම ඇගෙන් විමසුවෙමි
'නෑ'
'ඒ මොකද'
'මෙච්චර උදෙන් කන්න බෑ.බත් එකක් ඔතා ගත්තා. ගිහින් 9ට විතර කනවා'
'හ්ම්ම්'
'ඔයාට උයලා තියෙන්නේ, බෙදාගෙන කන්න පුලුවන් නේද? දවල් වෙනකොට අම්මලත් එයි. බත් බෙදලා දෙන්න හොදේ' ඈ මට කීවාය.
'හා සුදූ. යමුද එහෙනම්'
'ඉන්න ටිකක්'
'බුදු සරනයි මගෙ සුදු මහත්තයට' ඇය සෙනෙහසින් මට දණගසා වැන්දාය.
'මගෙ සුදු මැනිකටත් තෙරුවන් සරනයි. පරිස්සමෙන් වැඩ ටික කරගන්න හොදද' ඇගේ හිස අතගා සිම්බෙමි.
'ආදරෙයි මම ගොඩා……ක්.' එසේ කියමින් ඈ මගේ බෙල්ල බදාගත්තාය.
ඇගේ සේවා ස්ථානයට පැමිණෙන විට අටයි විස්ස පමණ වන්නට ඇත. යතුරු පැදියෙන් බැසගත් ඈ මා අතට හෙල්මට් එක දුන්නාය.
'ඕක ඔෆිස් එකෙන් තියාගන්න. හවස මම එනවනේ' ඈට නැවත හෙල්මට් එක දෙන ගමන් මම කීවෙමි.
'හා එන්න අපේ ඔෆිස් එකට යන්න' ඈ මට ආරාධනා කලාය
'අපෝ අර නිහාල් මහත්තයට අහු උනාම බදුලු කෝච්චියට අහු උනා වගේ. ඒ මනුස්සයා එක්කල කියවලම කට රිදෙනවා. මට බෑ. මම කීවෙමි.
'යන්කො අනේ, ගෙදර ගියත් වැඩක් නෑනේ ඔයාට' ඈ මගේ අතින් ඇද්දාය.
'හා යන්කො' මම මෝටර් බයිසිකලයෙන් බසින ගමන් කීවෙමි.
'ගුඩ් මෝනින් මැඩම්' ඈ ගේට්ටුවෙන් පිවිසෙන ඇගේ ආයතන ප්රධානියාට සුබ පැතුවාය.
'ගුඩ් මෝනින් සෙව්වන්දි මම හිතුවේ හස්බන්ඩ් ආව හන්දා අදත් එන්නෙ නැතිවෙයි කියලා' මැඩම් සිනාසෙමින් කීවාය. එවදනට ඇගේ මුහුණ විලියෙන් බර වී රතුවිණ.
'නවත්තගන්න තමයි හැදුවේ මැඩම්. කොහෙද ඉතින් අද එන්නම ඕනේ කීවනේ' මම එයට පිලිතුරු දුන්නෙමි.
'ඔෆිස් එකට යමුකො. මට මිස්ටර් තාරකව හම්බෙන්න ඕනේ' එතුමිය මට කියමින් පඩිපෙල නැග්ගාය. ඇගේ කාර්යාලයේ උදවිය මා හා බොහෝ මිත්රශීලීය.
'යන්න යන්න. ඊයෙයි පෙරේදයි මාව වැඩට එව්වේ නෑ කියලා ගුටි දෙන්න තමයි ඔය කතා කරන්නේ'
ඈ මුතු දසන් විදා සිනාසී මට පැවසීය
**************************
මගේ බිරිඳ 8