මගේ බිරිඳ 6

' වෙන බඩගිනි නැද්ද ' මම ඇගේ වමතින් අල්ලා ගතිමි
'බත් කාලා ඉවර උනාම අයිස් ක්රීම් බඩගින්නකුත් එනවා හැබැයි'  ඈ මගෙ උරහිසේ හිස තබාගත්තාය
'එතකොට ඒවා දෙන්නම්කො ඊට කලින් බඩ පිරෙන්න බත් කාලා ඉන්න'
'සුදු මහත්තයා කැව්වොත් නම් ඔක්කොම කනවා' ඈ කෝල ලෙසින් කියන්නීය
'හා ඉතින් ඔක්කොම කවන්නම් මගෙ සුදුට'
ඈ නළලත රැදි දහඩිය සෙමින් පිස දැම්මාය. නැවත ඇගේ දැවටෙමින් හුරතල් වෙමින් උන්නාය.
'අද ඔයා හරි ලස්සනයි' මම කීවෙමි. ඇය ආඩම්බරයෙන් සිනාසෙන්නීය
'ඕක අන්දලා පාරේ තනියම යවන්න බයයි'
' ඒ මොකෝ'
'කොල්ලො පස්සෙන් ඇවිත් ටෝක් කරලා අල්ලගත්තොත්' මගේ පිලිතුරට ඈ මගේ දෑස දෙස එක එල්ලේ බලන් හුන්නාය
'ඔයා මට වඩා ලස්සන කෙනෙක් ආදරෙයි කිව්වම මාව දාලා එයා ගාවට යනවද?' මම කිසිදා නොසිතූ පැනයක් ඈ මා ඉදිරියේ තැබීය.
' නෑ සුදු මැණික කවදාවත් ඒක වෙන්නේ නෑ' මම ඇගේ සුරතින් තදින් අල්ලා ගනිමින් කීවෙමි. ඇසූ ප්රශ්නය පිලිබඳව මා සිතේ මහත් කණගාටුවක් ඇති විය
' එහෙනම් මම එහෙම යයි කියලා හිතනවද? එහෙම කරන්නෑ මමත් ඔයා වගේමයි. ආයේ ඔයවගේ ප්රශ්න අහන්න එපා. මගෙ හිත රිදුනා ඒකටනන්'
ඈ දෑසේ කඳුලු පුරවාගත්තාය.
'සොරි බබා හිතලා නෙවේ කිවේ' මම කීවෙමි
'හ්ම්ම්ම්ම්ම්ම් දන්නවා' ඈ හිස බිමට හරවා ගත්තීය
' මහත්තයා ස්ප්රයිට් දෙකකුත් ඕනේ කිව්වා නේද' අපේ නිහඩතාවයට බාධා කරමින් වේටර් මේසය මත ප්රයිඩ් රයිස් තබන ගමන් විමසීය.
මම නිහඬවම පිගානට බත් බෙදා ගතිමි. නොමනා කාරණයකට ඇගේ සිත රිදීම පිලිබඳව මට මා ගැනම මහත් පසුතැවිල්ලක් ඇතිවිය.
'කෝ කට අරින්න'
මෙතෙක් වේලා සොවින් බර වූ මුහුණට සිනා රැල්ලක් නැගිණි. පුටුව මා දෙසට ඇද ගනිමින් සෙමෙන් මුව විවර කලාය. සෙනෙහසින් ඇගේ මුවේ බත් කටක් රැඳවූවෙමි. ඈ ප්රීතියෙන් විවර කරගත් දෑසින් මදෙස බලා සෙමින් ගිල දැම්මාය.
'ම්ම්ම්ම්ම්ම්ම් හරි රසයි' ඈ මගේ වමතින් අල්ලා ගත්තාය.
'ආ මේකත් කන්න' මම අනාගත් තවත් කටක් ඈ දෙසට පෑවෙමි
'ම්ම්ම්ම්ම්හ්හ් ඒක ඔයාට' ඕ එය මගේ අතින් අල්ලා නතර කලාය.
පසුගිය නිමේෂයේ තිබූ කණස්සල්ල ක්ෂණිකව අතුරුදහන් වී සුවදායි සෙනෙහසකින් සිත පිරී ඉතිරී යන්නට විය.
************************

ගනිගහන වාලච්චේන නගරය මැදින් ඇදී ගොස් පාසි කුඩා වෙරලට සේන්දු වන විට දහවල් හිරු රැස් හාත්පස පරිසරය වෙලා ගනිමින් උණුසුම් වටපිටාවක් නිර්මාණය කෙරෙමින් පවතී. අප එහි යනවිට පාසල් බස් රථ දෙකකින් පැමිණි සිසු සිසුවියන් පිරිසක්ද පාසිකුඩා වෙරලේ අසිරිය රස විඳිමින් හුන්නේය.
' ලස්සන මුහුද කොච්චර බලන් හිටියත් එපා වෙන්නෑ' මගේ සිරුරේ එතෙමින් ඈ පැවසුවාය.
'ලස්සන හින්දනේ ඔයාව මෙතෙන්ට එක්කන් ආවේ' මා පැවසීය
'මතකද ඉස්සොරෝම ගෙදෙට්ට හොරෙන් හලාවත බීච් ගිය දවස' ඈ අප පෙම් බැඳි රසවත් අතීතය සිහි කලාය.
'අක්කා කේලම් කියලා අහුවෙලා ගුටි කාලා නිවාස අඩස්සියේත් හිටියලු එක්කෙනෙක් නේද' මා පිලිවදන් සිනාසෙමින් දුන්නේය.
'අම්මෝ මම මේ මෝඩයා හන්දා ගෙදරින් කොච්චර ගුටි කාලා ඇද්ද' ඈ මෘදුව මගෙ කණෙන් ඇල්ලුවාය.

මේ අතර පාසල් සිසුවියන් තිදෙනෙක් අප හුන් ඉසව්වට පැමිණියාය.
=============================================

හුගක් අය කොටස් දිග වැඩී කීව නිසා අද කතාව පොඩ්ඩයි ලීවේ.

next episode will be coming soon.......

Posted in නවකතා, ලියපු කතා